ضمنی الیکشن میں پی ٹی آئی کیوں کامیاب ہوئی ؟ ریحام خان بھی بول پڑیں

(ویب ڈیسک) پاکستان تحریک انصاف کے چیئرمین عمران خان کی سابقہ اہلیہ ریحام خان نے پی ٹی آئی کی پنجاب ضمنی الیکشن میں جیت کی وجہ بتائی ہے۔

 ٹوئٹر پر جاری بیان میں ریحام خان نے لکھا کہ 'پی ٹی آئی کے ضمنی انتخابات میں جیت کی وجہ عمران کی پروپیگنڈا کرنے میں مہارت ہے'۔

پی ٹی آئی کے ضمنی انتخابات میں جیت کی وجہ عمران کی پروپیگنڈہ کرنے میں مہارت ہے۔

1) شریف خاندان مخالف جذبات کا فائدہ اٹھایا گیا یعنی چور/کرپٹ اشرافیہ

2) اسلامک ٹچ کیش کیا گیا

3) یہ دکھایا گیا کہ ایک عام آدمی امیر ، طاقتور خاندانوں اور امریکی مسلط کردہ مسائل کے خلاف کھڑا ہے

— Reham Khan (@RehamKhan1) July 19, 2022

ریحام نے وجوہات بتاتے ہوئے لکھا کہ 'شریف خاندان مخالف جذبات کا فائدہ اٹھایا گیا یعنی چور، کرپٹ اشرافیہ، اسلامک ٹچ کیش کیا گیا، یہ دکھایا گیا کہ ایک عام آدمی امیر، طاقتور خاندانوں اور امریکی مسلط کردہ مسائل کے خلاف کھڑا ہے'۔

تحریک انتشار کو اس وقت سب سے زیادہ ڈر فارن فنڈنگ کیس کا ہے ۔ تحریک انصاف چاہتی کہ جلد از جلد الیکشن کی طرف جایا جائے یا کچھ ایسا کیا جائے کہ الیکشن کمیشن کا فوکس فارن فنڈنگ کیس سے ہٹا دیا جائے۔

تحریک انتشار جانتی ہے کہ ان کی فارن اور فوراً فنڈنگ دونوں ممنوعہ ہیں

— Reham Khan (@RehamKhan1) July 19, 2022

 ریحام خان نے اپنی ایک ٹوئٹ میں کہا کہ 'جو لوگ سمجھتے ہیں کہ عمران خود بغیر کسی مدد کے یہاں تک پہنچا، ان کو بتا دوں کے باقی اگر ہاتھ پکڑ کر یہاں تک آئے ہیں تو آپ کے کپتان کو تو گود میں اٹھا کر یہاں تک لایا گیا ہے'۔

 پی ٹی آئی چیئرمین کی سابقہ اہلیہ نے مزید کہا کہ 'تحریک انتشار کو اس وقت سب سے زیادہ ڈر فارن فنڈنگ کیس کا ہے، تحریک انصاف چاہتی کہ جلد از جلد الیکشن کی طرف جایا جائے یا کچھ ایسا کیا جائے کہ الیکشن کمیشن کا فوکس فارن فنڈنگ کیس سے ہٹا دیا جائے'۔