(ویب ڈیسک) سابق صدر آصف علی زرداری کی صاحبزادی آصفہ بھٹو زرداری بلدیاتی انتخابی مہم کے لیے حیدرآباد پہنچ گئیں، آصفہ بھٹو نے گاڑی روک کر ریڑھی سے پھل خریدے۔
حیدرآباد میں آصفہ بھٹو کی قیادت میں شورو ہاؤس سے ریلی نکالی گئی، جو مختلف مقامات سے ہوتے ہوئےچانڈیا گوٹھ قاسم آباد پہنچی تو کارکنوں نے ان کا شاندار استقبال کیا۔
یہ بھی پڑھیں: لمپی سکن کا پھیلاؤ، حکومت کا ایمرجنسی نافذ کرنے کا فیصلہ
کارکنوں سے خطاب میں آصفہ بھٹو زرداری کا کہنا تھا کہ عوام بلاول بھٹو زرداری کا ساتھ دیں، اب ہر جگہ تیر چلے گا۔
ریلی وحدت کالونی پہنچی تو آصفہ بھٹو زرداری نے اپنی گاڑی روک لی اور ریڑھی والے سے پھل خریدے اور کارکنوں میں تقسیم کیے۔