(ویب ڈیسک)ہینلے پاسپورٹ انڈیکس کے تازہ ترین جائزے میں کہاگیا ہے کہ متحدہ عرب امارات دنیا کے طاقتور ترین پاسپورٹوں کی فہرست میں بلند ترین مقام پر ہے، عرب دنیا میں خلیج تعاون کونسل کے ممالک سرفہرست ہیں۔
میڈیارپورٹس کے مطابق شائع ہونے والی یہ رپورٹ انٹرنیشنل ایئر ٹرانسپورٹ ایسوسی ایشن کے خصوصی اور سرکاری اعداد و شمار پر مبنی ہے، متحدہ عرب امارات عالمی سطح پر12 ویں نمبر پر ہے، اس کے شہری 227 میں سے 179 مقامات پر ویزا فری سفر کر سکتے ہیں۔ 2013 کے بعد سے یو اے ای کے ویزا فری سکور میں متاثر کن 107 مقامات کا اضافہ ہوا ہے، جس کے نتیجے میں گذشتہ 10 سالوں میں یہ 56 ویں سے 12 ویں مقام پر آگیا ہے۔
ہینلے اینڈ پارٹنرز کے چیئرمین ڈاکٹر کرسچن ایچ۔ کیلن نے رپورٹ میں انکشاف کیا،متحدہ عرب امارات کے بعد قطر (52ویں)، کویت (54ویں)، بحرین (59ویں)، عمان (60ویں) اور سعودی عرب (61ویں) مقام پر ہے۔رپورٹ میں کہا گیا ہے کہ خلیجی ممالک نے حالیہ برسوں میں اوسط سے زیادہ آزادانہ تبدیلیاں کی ہیں۔تاہم، یہ ممالک ویزا سکیموں، اصلاحات ، اور نئے اقدامات شروع کرکے اپنی درجہ بندی کو مزید بہتر کرسکتے ہیں۔مئی 2023 میں، بحرین کے وزیر سیاحت نے اعلان کیا کہ خلیجی ممالک علاقائی شینگن طرز کا سیاحتی ویزا شروع کرنے کے منصوبوں کا جائزہ لے رہے ہیں۔
یہ بھی پڑھیں: نئے اسلامی سال کی اچھی شروعات،گریڈ 1 سے 15 تک ملازمین کو ایک تنخواہ بطور بونس دینے کی منظوری
ہینلے پاسپورٹ اشاریے نے واشنگٹن میں عرب خلیجی ریاستوں کے انسٹی ٹیوٹ کے ایک سینئر رہائشی سکالر ڈاکٹر رابرٹ موگیلنکی کا حوالہ دیتے ہوئے کہا کہ اس طرح کے اقدام سے ممکنہ طور پر کئی جی سی سی ممالک کی درجہ بندی میں مزید اضافہ ہو گا۔کیلن نے کہا کہ ایک مضبوط پاسپورٹ نقل و حرکت کی آزادی کی تعریف سے زیادہ ہوتا ہے، یہ بین الاقوامی سرمایہ کاری اور کاروباری مواقع کے حوالے سے اہم مالی آزادی بھی فراہم کرتا ہے۔عرب ممالک میں عراق کا پاسپورٹ سب سے کمزور ہے ، افغانستان کے بعد یہ دنیا کا دوسرا کمزور ترین پاسپورٹ ہے۔شام 101 ویں نمبر پر، یمن اور صومالیہ 99 ویں، فلسطین 98 ویں، لیبیا 95، لبنان 93 اور سوڈان 92 ویں نمبر پر ہے۔
یہ بھی پڑھیں: آندھی، تیز ہواﺅں اور گرج چمک کیساتھ بارش، محکمہ موسمیات نے بڑے خطرے کی گھنٹی بجا دی