ثانیہ مرزا سے شادی؟ کرکٹر محمد شامی کا جواب آگیا
![ثانیہ مرزا سے شادی؟ کرکٹر محمد شامی کا جواب آگیا](https://www.24urdu.com/digital_images/large/2024-07-20/news-1721456431-4263.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(ویب ڈیسک) معروف ٹینس سٹار ثانیہ مرزا سے شادی کی خبروں پر کرکٹر محمد شامی کا بھی ردّ عمل سامنے آ گیا۔
بھارتی فاسٹ بولر کا کہنا ہے کہ ثانیہ مرزا سے شادی کے حوالے سے گردش کرنے والی خبریں عجیب ہیں، جب بھی موبائل دیکھتا ہوں اپنی تصویر ہر جگہ نظر آتی ہے۔
انہوں نے کہا کہ میں ایک بات ہی بولنا چاہوں گا کہ کسی کو اس طرح کسی معاملے پر پریشان نہیں کرنا چاہیے، میں مانتا ہوں میمز محض مذاق کے لیے ہوتے ہیں لیکن وہ کسی کی زندگی کے حوالے سے ہوتے ہیں، تو وہ بڑی سوچ سمجھ کر بنانے چاہئیں۔
بھارتی میڈیا کے مطابق ایک انٹرویو میں محمد شامی سے ثانیہ مرزا سے شادی کے متعلق سوال کیا گیا تو انہوں نے اس کو ’بکواس‘ قرار دے دیا۔
محمد شامی نے کہا ہے کہ لوگوں سے اپیل کرتا ہوں سوشل میڈیا پر زیادہ جھوٹ پھیلانے سے گریز کریں اور اس طرح کے میمز تفریح فراہم کر سکتے ہیں لیکن یہ نقصان دہ بھی ہو سکتے ہیں، سوشل میڈیا کے ساتھ ذمے دار رہیں اور ایسی بے بنیاد خبروں کو پھیلانے سے گریز کریں۔
محمد شامی کا کہنا ہے کہ ابھی آپ غیر تصدیق شدہ اکاؤنٹ سے میمز بنا رہے ہیں اگر ہمت ہے تو تصدیق شدہ اکاؤنٹ سے بنا کر دکھائیں، پھر ہم آپ کو بتائیں گے۔
بھارتی کرکٹر نے یہ بھی کہا کہ کسی کو پریشان کرنا آسان ہے، اپنا لیول اوپر کرو، تب میں مانوں گا کہ آپ اچھے انسان ہیں۔
واضح رہے کہ کچھ وقت سے ثانیہ اور شامی کی شادی کے حوالے سے خبریں سوشل میڈیا پر گردش کر رہی ہیں۔
بھارتی میڈیا کی جانب سے دعویٰ کیا کیا گیا تھا کہ معروف ٹینس سٹار ثانیہ مرزا جَلد ہی کرکٹر محمد شامی کے ساتھ شادی کرنے والی ہیں۔
ثانیہ مرزا کے والد عمران مرزا نے محمد شامی سے دوسری شادی کی افواہوں پر سخت ردعمل دیتے ہوئے کہا تھا کہ یہ سب بکواس ہے، ثانیہ مرزا کی تو کبھی محمد شامی سے ملاقات تک نہیں ہوئی۔
یاد رہے کہ ثانیہ مرزا معروف قومی کرکٹر شعیب ملک کی سابقہ اہلیہ ہیں، اس سابق جوڑی کا ایک بیٹا اذہان مرزا ملک بھی ہے جو کہ اپنی والدہ کے ساتھ رہتا ہے۔