(ویب ڈیسک) بالی ووڈ اداکارہ کاجل اگروال کی شادی اور ہنی مون کی خاص تصویریں سوشل میڈیا پر کافی وائرل ہو رہی ہیں ۔ ان پر لوگ کھل کر اپنا ردعمل دے رہے ہیں ۔
بھارتی ٹی وی کے ویب رپورٹ کےمطابق کاجل اگروال نے حال ہی میں اپنا 36 واں یوم پیدائش منایا ہے اس موقع پر ان کی کچھ تصویریں وائرل ہو رہی ہیں۔اداکارہ کاجل اگروال اپنی پروفیشنل اور پرسنل زندگی دونوں کی وجہ سے سرخیوں میں رہتی ہیں ۔ بھارت کی ساؤتھ فلم انڈسٹری سے لے کر بالی ووڈ تک میں اپنی چھاپ چھوڑ چکی ہیں۔کاجل نے 30 اکتوبر 2020 میں ایک بھارتی کاروباری شخصیت گوتم کچلو کے ساتھ لاک ڈاؤن کے درمیان شادی کی تھی ۔ کاجل اور گوتم دونوں ایک دوسرے کو چار سال تک ڈیٹنگ کے بعد شادی کے بندھن میں بندھ گئے۔
کاجل اگروال کے انسٹاگرام پر 18 ملین سے زیادہ فالوورز ہیں ۔ ان تصاویر پر بھی فینس دل کھول کر کمنٹس کرتے ہوئے نظر آرہے ہیں ۔ حال ہی میں کاجل اگروال نے اپنے شوہر کے ساتھ کورونا ویکسین کا پہلا ڈوز لیا تھا ، جس کی تصاویر بھی انہوں نے سوشل میڈیا پر شیئر کی تھی ۔
کچھ وقت پہلے ہی کاجل نے اپنے شوہر کے ساتھ کچھ تصاویر شیئر کرکے لکھا تھا کہ وہ میرے سپورٹ سسٹم ہیں ۔ مداحوں کو دونوں کی جوڑی کافی پسند آتی ہے اور وہ ان کی ہر تصویر پر جم کر پیار برساتے ہیں ۔
واضح رہے کہ کاجل اگروال کو آخری مرتبہ فلم ’ممبئی ساگا‘ میں دیکھا گیا تھا ۔ اس فلم میں ان کے علاوہ عمران ہاشمی اور جان ابراہم اہم کردار میں تھے۔کاجل اگروال نے بالی ووڈ اور ساوتھ کے کئی بڑے اداکاروں کے ساتھ کام کیا ہے اور یہی وجہ ہے کہ وہ ملک بھر میں مقبول ہیں ۔
یہ بھی پڑھیں: مجھے ڈھونڈ لو۔۔ بھارتی اداکارہ سارہ علی خان کا چیلنج