(24 نیوز) پاکستان تحریک انصاف کے صدر اور سابق وزیرا علی پرویز الہی کی دوبارہ گرفتاری کیلئے ایف آئی اے کی ٹیم کیمپ جیل کے باہر پہنچ گئی۔
تفصیلات کے مطابق اینٹی کرپشن سپیشل کورٹ سے سابق وزیر اعلی پنجاب چوہدری پرویز الہی کی ضمانت کا معاملہ،لاہور کیمپ جیل کے باہر لاہور پولیس کی بھاری نفری تعینات کردی گئی جبکہ بکتربند گاڑی بھی کیمپ جیل کے باہر پہنچا دی گئی۔
ذرائع کے مطابق چوہدری پرویز الہی کے ابھی تک مچلکہ جمع نہیں کروائے گئے، روبکار جب تک کیمپ جیل نہیں پہنچے گی چوہدری پرویز الہی کو رہائی نہیں ملے گی۔