عرب ممالک کی 3 فنکارائوں کی پراسرار موت

(24 نیوز)عرب ممالک سے تعلق رکھنے والی 3 فنکارائوں کی تین دنوں کے اندر اندر پراسرار موت سے شوبز انڈسٹری میں کھلبلی مچ گئی۔خوف وہراس پھیلنے لگا۔
تفصیلات کے مطابق فنکارہ رائفہ الرز کا تعلق شام سے ہے لیکن وہ گزشتہ دس سال سے ملک چھوڑ کر ہالینڈ میں رہائش پذیر تھیں۔نامعلوم افراد نے انہیں شدید زخمی کر دیا، جہاں وہ ہسپتال میں زخموں کی تاب نہ لاتے ہوئے دم توڑ گئی تھیں۔
 دوسری فنکارہ ریم غزالی کا تعلق الجزائر سے تھا، انھیں الجزائر کی ملکہ حسن کا بھی خطاب دیا گیاتھا۔جوبیماری کے باعث پیرس کے ایک ہسپتال میں زیر علاج تھیں،ہسپتال انتظامیہ اور ریم غزالی کے خاندان کی جانب سے ان کے انتقال کی تصدیق تو کی گئی ہے لیکن یہ نہیں بتایا گیا کہ وہ کس مرض میں مبتلا تھیں۔
تیسری گلوکارہ میادہ بسیلیس کا تعلق شام سے تھا، جس کی موت کی تصدیق شامی حکومت نے کی ۔ بیان میں کہا گیا ہے کہ میادہ بسیلیس ایک موذی مرض میں مبتلا تھیں۔