فضائی دنیا کا انوکھا کرتب۔دو پائلٹ دورانِ پرواز جہاز بدلنے کے لئے تیار

 (ویب ڈیسک )موٹر سائیکلوں اور کاروں پر کرتب تو آپ نے دیکھے ہونگے۔طیاروں سے جمپنگ بھی دیکھی ہوگی لیکن اگلے ماہ ہوابازی کی تاریخ میں جو ایک دلچسپ مظاہرہ براہِ راست نشر کیا جائے گا وہ آپ کو حیران کر دے گا۔اس مظاہرے میں دو پروپیلرطیاروں کو ایک مخصوص بلندی تک لے جایا جائے گا۔ اس بلندی پر دونوں پائلٹ طیارے سے جست لگائیں گے اور نوز ڈائیونگ کرکے نیچے گرتے طیارے پر اتریں گے۔ اس طرح دونوں ہواباز دورانِ پرواز ہی طیارے کا تبادلہ کریں گے۔میڈیارپورٹس کے مطابق اس مظاہرے کا اہتمام ریڈبل کمپنی نے کیا جسے بعض افراد نے دلچسپ اور کچھ لوگوں نے احمقانہ قرار دیا ہے۔ اس سے قبل 2017 میں اسی مشروب ساز کمپنی کے اشتراک سے دو اسکائی ڈائیور نے بازوں والے سوٹ پہن کر پہاڑ سے جست بھری تھی اور ایک گزرتے طیارے تک پہنچے تھے لیکن اپریل میں ہونے والا واقعہ اس سے بھی زیادہ ہمت کا متقاضی ہے۔اس منصوبے کو طیاروں کا تبادلہ کہا گیا ہے جو ایک غیرمعمولی اسٹنٹ ہوگا۔ منصوبے کے تحت لیوک آئکنز اور اینڈی فیرنگٹن نامی پائلٹ پنکھڑی والے ہلکے ہوائی جہازوں کو 14000 فٹ تک لے جائیں گے جو اسکائی ڈائیونگ کی پسندیدہ بلندی بھی ہے۔ ایک مقام پر دونوں پائلٹ طیاروں کو چھوڑ کر باہر نکل کر چھلانگ لگا ئیں گے۔اس سے قبل جہازوں کے پہیوں کے نچے لٹکے تختوں ایئربریکس کو کھول دیا جائے گا جس سے طیارے کی رفتار سست ہوجائے گی۔ اس دوران دونوں پائلٹ ہوائی غوطہ لگاکر ایک دوسرے کے طیاروں تک پہنچیں گے۔ یوں چند منٹوں بعد ہوائی جہاز وں میں بیٹھ کر ایک دوسرے کے طیاروں کو کنٹرول کریں گے۔یہ انوکھا مظاہرہ 25 اپریل کو ہولو نامی ویب سائٹ پر براہِ راست دکھایا جائے گا۔
 

یہ بھی پڑھیں:    اسپیکر قومی اسمبلی نے اہم اجلاس طلب کر لیا