( 24نیوز ) پاکستان شوبز انڈسٹری کی معروف جوڑی دانش تیمور اور عائزہ خان رمضان سپیشل ڈرامہ میں ایک ساتھ نظر آئیں گے۔
ڈائریکٹر مظہر معین کی نئی ان ٹائٹل سیریل کے ٹیزر نے ناظرین کی بے چینی میں اضافہ کردیا ہے۔ اس سیریل کے ذریعے شائقین طویل عرصہ بعد دانش تیموراورعائزہ خان کو ایک ساتھ کسی ڈرامے میں دیکھ سکیں گے۔
رپورٹس کے مطابق دونوں اداکار رمضان سپیشل ڈرامہ ’ چاند تارا ‘ میں ایک ساتھ جلوہ گر ہوں گے جس کا ٹیزر جاری کر دیا گیا ہے۔
فوٹو اینڈ ویڈیو شیئرنگ پلیٹ فارم انسٹاگرام پر دانش تیمور کی جانب سے ڈرامہ کی پہلی جھلک جاری کی گئی ۔
اس سیریل میں ثانیہ سعید اور زینب شبیر بھی اہم کرداروں میں نظر آئیں گی۔ ٹیزر دیکھنے کے بعد شائقین بے چینی اور شدت سے اس کے آن ایئر ہونے کا انتظار کررہے ہیں جس کے ساتھ ساتھ فنکار بھی سیریل کے منتظر ہیں۔
اس ڈرامے کی ہدایات دانش نواز دے رہے ہیں جبکہ ڈرامے کو صائمہ اکرم چوہدری نےتحریر کیا ہے۔
مزید پڑھیں: شائقین کیلئے خوشخبری، دی لیجنڈ آف مولا جٹ‘ اب 3 سو روپے میں
اس سے قبل عائزہ خان نے فوٹو اینڈ ویڈیو شئیرنگ ایپ انسٹا گرام پر چند تصاویر پوسٹ کی تھیں۔ شئیر کی گئی تصاویر میں عائزہ خان نے خوبصورت کو مغربی لباس زیبِ تن کیے ہوئے دیکھا جا سکتا ہے، جس میں وہ بے حد پیاری لگ رہی تھیں۔
یاد رہے کہ دانش تیمور اور عائزہ خان کی جوڑی پاکستان شوبز انڈسٹری کی خوبصورت اور کامیاب ترین جوڑیوں میں سے ایک ہے، عائزہ خان اور دانش تیمور کو سوشل میڈیا سائٹس پر مداحوں کی جانب سے بطور فنکار اور جوڑی خوب سراہا بھی جاتا ہے۔