عامر خان نئی گرل فرینڈ گوری کے ساتھ پہلی بار منظر عام پر آگئے
Stay tuned with 24 News HD Android App
(ویب ڈیسک)بالی ووڈکے مسٹر پرفیکشنسٹ عامر خان اور گوری اسپریٹ پہلی بار ایک ساتھ منظر عامر پر آگئے جس کی ویڈیوبھی وائرل ہوگئی ۔
عامر خان نے حال ہی میں اپنی 60 ویں سالگرہ کے موقع پر اپنی نئی گرل فرینڈ گوری اسپریٹ سے تعلقات کا انکشاف کیا تھا،تعلقات کی تصدیق کے بعد جوڑے کی پہلی بار میڈیا پر ایک ساتھ ویڈیو بھی سامنے آگئی ہے۔
بھارتی میڈیا کے مطابق گزشتہ شب ممبئی میں ایک دفتر کے باہرعامر خان کو اپنی گرل فرینڈ گوری اسپریٹ کے ہمراہ دیکھا گیا،ویڈیو میں عامر خان کو گوری کے دفتر سے باہر نکلنے سے قبل ان کا انتظار کرتے اورفوٹوگرافر کو ہاتھ ہلاتے دیکھا گیا ،اس کے بعد جیسے ہی گوری اسپریٹ دفتر سے باہر نکلیں تو عامر خان ان کے ساتھ گاڑی میں سوار ہوکر چلے گئے۔
اس سے قبل عامر خان نے گوری اسپریٹ سے تعلقات کے حوالے سے میڈیا سے گفتگو کرتے ہوئے بتایا تھا کہ میں کسی ایسے شخص کی تلاش میں تھا جو مجھے سکون فراہم کرسکے اور گوری میں مجھے یہ سکون مل گیا۔
دوسری جانب گوری اسپریٹ نے بھی عامرخان سے محبت کے سوال پر بتایا تھا کہ میں اپنے لیے کسی ایسے شخص کی تلاش میں تھی جو مہربان، شریف اور خیال رکھنے والا ہو۔
یہ بھی پڑھیں:یوم پاکستان کی مناسبت سے نیا قومی ترانہ جاری
واضح رہے کہ عامرخان نے پہلی شادی فلم پروڈیوسر رینا دتہ سے کی تھی جن سے ان کے 2 بچے جنید اور ایرا خان ہیں، ان کی دوسری شادی ہدایت کار کرن راؤسے 2005 میں ہوئی تھی،تاہم دونوں کے درمیان 2021 میں علیحدگی ہوگئی،کرن راؤ سے عامر کا بیٹا آزاد ہے۔