کئی پروجیکٹس میں کاسٹ کرکے آخری لمحات میں نکالاگیا:احسن افضل خان
مجھے فلمی گھرانے سے تعلق کی وجہ سے شوبزمیں بہت سی مشکلات کاسامناکرناپڑاہے
Stay tuned with 24 News HD Android App
(ویب ڈیسک)معروف اداکار جوڑی افضل خان ریمبو اور صاحبہ کے بیٹے اداکار احسن افضل خان نے انکشاف کیا ہے کہ مجھے کئی پروجیکٹس میں کاسٹ کرنے کے بعد آخری لمحات میں نکال دیا گیا۔
احسن افضل خان نے حال ہی میں ایک ویب شو میں بطور مہمان شرکت کی جہاں معروف اداکار جوڑی کا بیٹا ہونے کی وجہ سے شوبز انڈسٹری میں پیش آنے والی مشکلات کے بارے میں بھی بات کی۔
احسن افضل خان نے بتایا کہ مجھے اب ایک بات تو سمجھ آ گئی ہے کہ اگرآپ فلمی گھرانے سے تعلق رکھتے ہیں تو شوبز انڈسٹری میں لوگ آپ کی محنت کو تسلیم نہیں کریں گے اور نہ اس کا احترام کریں گے کیونکہ اُنہیں لگتا ہے کہ ہمیں ہر چیز پلیٹ میں رکھ کر پیش کی جاتی ہے حالانکہ ایسا بالکل نہیں ہے۔
باصلاحیت اداکار نے کہا کہ میرے لیے یہ بات بہت افسوسناک ہے لیکن میں نے اب اس بات کو تسلیم کر لیا ہے کہ میری محنت کی کبھی عزت نہیں کی جائے گی،مجھے کئی پروجیکٹس سے آخری لمحات میں نکال دیا گیا تھا اور اس کے علاوہ کچھ پروجیکٹس میں شوٹنگ کے دوران مجھے دوسرے اداکاروں سے کم تر محسوس کروایا گیا۔
یہ بھی پڑھیں:دانش تیمور نے 4 شادیوں سے متعلق اپنے بیان پر معافی مانگ لی
احسن افضل خان نے کہا کہ مجھے تو سیٹ پر فائیو اسٹار کھانا بھی نہیں چاہیے بلکہ میں صرف یہ چاہتا ہوں کہ مجھے کام کرنے کے لیے برابری کے مواقع فراہم کیے جائیں۔