موجودہ حالات میں قومی اتفاق رائے کی اشد ضرورت ہے: طارق فضل چودھری

(24نیوز) پاکستان مسلم لیگ ن کے رہنما طارق فضل چودھری نے کہا ہے کہ موجودہ حالات میں قومی اتفاق رائے کی اشد ضرورت ہے۔

اسلام آباد میں ملک کی موجودہ صورتحال پر پریس کانفرنس کرتے ہوئے وفاقی وزیر طارق فضل چودھری نے کہا ہے کہ دہشت گردی کے خلاف جنگ میں 93 ہزار سے زائد شہادتیں ہو چکی ہیں۔ پچھلے 20 سال سے دہشت گردی کے چیلنج سے نمٹ رہے ہیں، کچھ ناعاقبت اندیش ملک دشمنوں کے آلہ کار بنے ہوئے ہیں۔ اپوزیشن کا رویہ غیر سنجیدہ اور مایوس کن تھا، دشمن چاہتا ہے کہ ملک میں دیرینہ استحکام نہ آئے، دہشت گردی کا شکار صرف مسلمان ممالک ہو رہے ہیں۔ہماری افواج اور ہمارے ادارے دہشتگردی کی جنگ لڑ رہے ہیں،ہم وسائل بھی مہیا کر رہے ہیں اور ہم یہ جنگ جیتیں گے،ہمیں بیرونی سے زیادہ اندرونی چیلنجز ہیں، ہمیں اس طرح کے فتنہ فساد کسی صورت قابل قبول نہیں،ہمیں حکومت اور اپوزیشن میں رہتے ہوئے ریاست کے خلاف نہیں جانا چاہیے۔

انہوں نے کہا کہ عمران خان نے حکومت میں رہتے ہوئے چین، سعودی عرب سمیت دوست ممالک کو ناراض کیا،آج عمران خان اپنی رہائی کے لیے امریکہ کی جانب دیکھ رہے ہیں،ہمیں عمران خان کے بیانیے سے سروکار نہیں، ہم اپنی ذمہ داری ادا کر رہے ہیں،پی ٹی آئی پاکستان مخالف ایجنڈے پر کام کر رہی ہے،جو ممالک تباہ ہوئے پہلے انکی حفاظت پر مامور اداروں کو تباہ کیا گیا،اسی طرح کی صورتحال کا سامنا پاکستان کو بھی ہے۔وفاقی وزیر نے کہا ہے کہ دہشت گردی کے خلاف جنگ میں 93 ہزار سے زائد شہادتیں ہو چکی ہیں۔انہوں نے کہا کہ پچھلے 20 سال سے دہشت گردی کے چیلنج سے نمٹ رہے ہیں، کچھ ناعاقبت اندیش ملک دشمنوں کے آلہ کار بنے ہوئے ہیں۔ اپوزیشن کا رویہ غیر سنجیدہ اور مایوس کن تھا، دشمن چاہتا ہے کہ ملک میں دیرینہ استحکام نہ آئے، دہشت گردی کا شکار صرف مسلمان ممالک ہو رہے ہیں۔

یہ بھی پڑھیں:چیمپئنز ٹرافی سے 3 ارب روپے کا فائدہ ہوا، مالی نقصان کی خبریں بے بنیاد ہیں:پی سی بی