یو ای ٹی لاہورکا انٹری ٹیسٹ ملتوی۔۔رجسٹریشن تا حال جاری 

 (24نیوز)  ملک میں حالیہ کورونا وبا کے خدشات کے پیش نظر یونیورسٹی آف انجینئرنگ اینڈ ٹیکنالوجی لاہور نے انڈر گرایجوایٹ پروگرامز میں نئے داخلوں کیلئے لیا جانے والا انٹری ٹیسٹ اورموک ٹیسٹ ملتوی کر دیاہے لیکن رجسٹریشن کا عمل تا حال جاری ہے ۔
انٹری ٹیسٹ اور موک ٹیسٹ کی اگلی تاریخوں کا اعلان بعد میں کیا جائے گا۔

واضح رہے کہ پنجاب بھر کے انجینئرنگ اداروں میں داخلے یو ای ٹی کے انٹری ٹیسٹ کی بنا پر ہوتے ہیں۔رواں سال یو ای ٹی کے زیر اہتمام پنجاب بھر کے انجینئرنگ اداروں میں داخلے کیلئے لیا جانے والا انٹری ٹیسٹ 24تا 27مئی کوہوناتھا،جبکہ موک ٹیسٹ 21اور 22مئی کو ہونا تھے۔
مزید برآں انٹری ٹیسٹ کے لیے رجسٹریشن کااندراج نئی تاریخوں کے اعلان تک کھلا رہے گا۔اب طلبا نئی تاریخوں کے اعلان تک اپنی رجسٹریشن کرا سکیں گے۔ایچ بی ایل کی منتخب برانچیں مزید اطلاعات تک انٹری ٹیسٹ ٹوکن فروخت کرنا جاری رکھیں گی۔اسکے علاوہ آن لائن / کنیکٹ چالان کی سہولت کے ذریعہ ٹوکن نمبر حاصل کرنے کی سہولت بھی فعال رہے گی۔امیدواروں کو مشورہ دیا جاتا ہے کہ VU مراکز کی تکمیل کی وجہ سے تکلیف سے بچنے کے لئے جلد از جلد اپنا اندراج کروائیں۔جن امیدواروں نے پہلے ہی اندراج کرایا ہے، ان کو مشورہ دیا جاتا ہے کہ ایک بار جب ٹیسٹ کی نئی تاریخوں کا اعلان ہوجائے تو وہ اپنے داخلہ کارڈ دوبارہ پرنٹ کریں۔ایڈمٹ کارڈ خود بخود اپ ڈیٹ ہوجائیں گے۔
 یہ بھی پڑھیں۔ہندو انتہا پسند جماعت نے ما ہرہ خان کو بڑی دھمکی د ے دی