پا لتو شیر کا بچے پر حملہ۔۔ دل دہلا دینے والی ویڈیو وائرل

 (24 نیوز)کراچی میں نجی چڑیا گھر شہریوں کیلئے موت کا خطرہ بننے لگے, گلبرگ میں پالتو شیر نے بچے پر حملہ کردیا۔ دل دہلا دینے والے واقعہ کی ویڈیو سوشل میڈیا پر وائرل ہوگئی۔
تفصیلات کے مطا بق گھروں میں درندے رکھنے کی تو بالکل اجازت نہیں، اس کیلئے باقاعدہ اجازت نامہ لیناپڑتاہے ۔ پتا نہیں کراچی میں گلبرگ کے علاقے میں رہائش پذیر عمرنامی شخص کے پاس یہ اجازت نامہ تھا یا نہیں جس کے پالے ہوئے شیر نے ایک بچے پر حملے کردیا ،جس کی فوٹیج وائر ل سوشل میڈیا پر وائرل ہوگئی۔

سوشل میڈیا پر وائرل دل دہلا دینے والی ویڈیو میں دیکھا جاسکتا ہے کہ ایک گھر کے باہر شیر کے ارد گرد کئی افراد جمع ہیں، اچانک سے شیر بچے کو اپنی گرفت میں لے لیتا ہے۔ شیر کے حملے میں بچہ مبینہ طور پر زخمی ہوگیا، فوٹیج سے صاف نظرآتا ہے شیر کو عمرنامی شخص کی طرف خودنمائی کیلئے باہر لایا گیا ،ابھی تک واقعے کامقدمہ درج نہیں۔ پولیس حکام نے سوشل میڈیا پر وائرل ویڈیو کا نوٹس لے لیا۔

یہ بھی پڑھیں:تھیٹرز کھلیں گے یا نہیں۔۔پنجا ب حکومت نے اعلان کر دیا