ماہرہ خان کی اپنی ہمشکل سےاتفاقیہ ملاقات،دیکھنے والے بھی دنگ رہ گئے
Stay tuned with 24 News HD Android App
ّ(24نیوز ) کہا جاتا ہے کہ دنیا میں ایک شکل کے 7لوگ ہوتے ہیں،اس بات میں کتنی صداقت ہے اس کا تو کسی کو علم نہیں مگر سوشل میڈیا پر مشہور شخصیات کے ہمشکل ضرور حیران کردیتے ہیں۔
سال 2020 میں اداکارہ ماہرہ خان کی ہمشکل لڑکی کی تصاویر منظر عام پر آئی تھیں، اب ان کی ماہرہ کے ساتھ ملاقات کی تصویر سوشل میڈیا صارفین کی توجہ کا مرکز بنی ہوئی ہے، میڈیا رپورٹس کے مطابق پاکستان سمیت بھارت میں بھی مقبولیت رکھنے والی اداکارہ ماہرہ خان کی اپنی ہمشکل مداح سے ملاقات ایک ائیرپورٹ پر ہوئی جومحض ایک اتفاقیہ ملاقات تھی، اس ملاقات کے دوران لی گئی تصویر نے سوشل میڈیا پر تہلکہ مچا دیا ہے۔
اداکارہ کی ہمشکل مداح کا نام ”کراسہ انور شیخ“ ہے جو سوشل میڈیا انفلوئنسر ہیں، انہوں نے ماہرہ خان کے ساتھ لی گئی تصویر ویڈیو اینڈ فوٹو شیئرنگ پلیٹ فارم انسٹاگرام پر پوسٹ کی ہے، بتایا جا رہا ہے کہ کراسہ پاکستان کے مغربی علاقوں کی سیر کو آئی تھیں اور ایئرپورٹ پر ان کی ملاقات ماہرہ خان سے ہوگئی، سوشل میڈیا صارفین کی جانب سے کراسہ کو ماہرہ خان کی ہمشکل قرار دیا جا رہا ہے۔
یہ بھی پڑھیں:روسی صدر کا پہلے ایرانی نائب صدر سے ٹیلیفونک رابطہ، صدرو دیگر وفات پر اظہار تعزیت