ورلڈ کپ فائنل: فلسطین کا حامی نوجوان گراؤنڈ میں آنے پر گرفتار

(ویب ڈیسک) آئی سی سی ورلڈکپ 2023 کے فائنل میچ کے دوران فلسطین کا حامی نوجوان میدان میں نکل آیا، جسے سیکیورٹی نے پکڑ کر باہر نکالا۔ 

 احمد آباد کے نریندر مودی اسٹیڈیم میں فیلڈ میں گھسنے والے اس نواجن کا تعلق آسٹریلیا سے ہے، جس نے ٹی شرٹ پہن رکھی تھی جس پر فلسطین کے حق میں نعرے درج تھے۔  اس کی ٹی شرٹ پر سامنے کی طرف ”فلسطین پر بمباری بند کرو“ اور پیچھے ”آزاد فلسطین“ کا پیغام درج تھا۔

Kohli makes a new friend. #CWC2023Final #CWC23 #INDvsAUSfinal #INDvAUS pic.twitter.com/S5S92RXP9x

— Robert Cianflone (@Sportsnapper71) November 19, 2023

اس شخص نے ہم جنس پرستوں کا ”LGBTQ“ والا جھنڈا بھی اٹھایا ہوا تھا اور اس کے ماسک پر فلسطین کا جھنڈا بنا ہوا تھا۔ اس نوجوان نے سخت حفاظتی اقدامات کے باوجود پچ پر کامیابی سے پہنچ کر ویرات کوہلی کو گلے لگا لیا۔

#WATCH | Gujarat: The man who breached the security & entered the field during the India vs Australia Final match, says, "My name is John...I am from Australia. I entered (the field) to meet Virat Kohli. I support Palestine..." pic.twitter.com/5vrhkuJRnw

— ANI (@ANI) November 19, 2023

نریندر مودی کرکٹ اسٹیڈیم احمد آباد کے گراؤنڈ اسٹاف نے فوری طور پر نوجوان کو میدان سے باہر نکالا اور بعد میں اسے گرفتار کر لیا گیا۔ گرفتاری کے بعد اس شخص نے بتایا کہ اس کا نام جان ہے اور وہ آسٹریلیا سے ہے۔ اسے سٹیڈیم سے احمد آباد کے چاند کھیڑا پولیس اسٹیشن لے جایا گیا۔

نوجوان نے کہا کہ وہ اس لیے میدان میں آیا کیونکہ وہ ویرات کوہلی سے ملنا چاہتا تھا، اور ٹی شرٹ اس لیے پہنی کیونکہ وہ فلسطین کی حمایت کرتا ہے۔

گرفتاری کے بعد، وہ پیلے رنگ کی ٹی شرٹ میں نظر آیا۔