برطانیہ میں شدید برفباری،سکول بند، ٹرینیں تاخیر کا شکار

(ویب ڈیسک)برطانیہ میں موسم سرما کی پہلی شدید برفباری کے نتیجے میں معمولات زندگی مفلوج،سکول بند اور ٹرینیں تاخیر کا شکارہوگئیں۔

عالمی خبر رساں ادارے کے مطابق برطانیہ بھرمیں ہونے والی شدید برفباری کے باعث 220 سے زائد سکول بند کر دیئے گئے ہیں، جبکہ ہزاروں مسافروں کو ٹرینوں کی روانگی میں تاخیر کی وجہ سے مشکلات کا سامنا کرنا پڑ رہا ہے۔

محکمہ موسمیات کااس حوالے سے کہنا ہے کہ ملک کے مختلف حصوں میں کل تک برفباری اور برفباری کی وارننگ جاری رہے گی۔

برطانیہ کے بڑے حصے برف سے ڈھکے ہوئے ہیں،محکمہ موسمیات نے شمالی اسکاٹ لینڈ، شمالی آئرلینڈ، وسطی اور جنوبی ویلز اور سکاٹش سرحدوں سے نارفوک تک مشرقی کاؤنٹیوں میں برف باری اور برفباری کے حوالے سے شدید موسم کی وارننگ جاری کی ہے۔

ماہرین موسمیات کا کہنا ہے کہ اس شدیدبرف باری کی وجہ آرکٹک سمندری ہوا ہے جس کا مطلب ہے کہ پورے ہفتے شدید سردی رہے گی۔