دہشتگردوں کیخلاف کارروائیاں،امریکہ پاکستان کا معترف

(24نیوز) ترجمان امریکی محکمہ خارجہ میتھیو ملر نے کہا ہے کہ پاکستان نے دہشتگردانہ حملوں میں بےتحاشہ نقصان اٹھایا، دہشتگردی کیخلاف پاکستان کی کوششیں قابل تحسین ہیں۔

  پریس بریفنگ کے دوران انہوں نے کہا  کہ پاکستان میں دہشتگردی کے واقعات کی رپورٹس سے آگاہ ہیں ، پاکستانی عوام کے خلاف سفاکانہ حملوں کا سلسلہ جاری ہے، پاکستان میں دہشتگرد حملوں کے واقعات کی مذمت کرتےہیں۔میتھیوملر کاکہنا تھا  کہ دہشتگردوں کاکوئی ملک اور کوئی مذہب نہیں ، ہمارے دل دہشت گردی سے متاثرہ افراد کے ساتھ ہیں، پاکستانی عوام نے دہشتگردوں اور انتہا پسندوں کے ہاتھوں بہت نقصان اٹھایا، حملوں میں جاں بحق افراد کے لواحقین اور متاثرین سے اظہارِ ہمدردی کرتے ہیں۔

ترجمان امریکی محکمہ خارجہ نے کہا کہ دہشتگردوں سے لاحق خطرات سے نمٹنے کے لیے حکومتی رہنماؤں سے بات چیت کے لیے پُرعزم ہیں، حکومتِ پاکستان کے ساتھ انسدادِ دہشتگردی پارٹنر شپ جاری رکھی ہوئی ہے۔امریکی محکمہ خارجہ کاکہنا تھا کہ امریکا میں سکھ شہریوں کولاحق خطرات پرحکومت سنجیدہ ہے، امریکا میں مقیم سکھ کمیونٹی کےخدشات پربھارت سے جواب لیاجارہاہے۔