(ویب ڈیسک)گاڑیوں کے شوقین افراد کیلئے اہم خبر، 24 قیراط کے اصلی سونے کی سنہری چمچماتی گاڑی دبئی کے ’گولڈ سوق ایکسٹنشن ڈرا‘ میں نمائش کیلئے پیش کر دی گئی۔
سونے کی یہ الیکٹرک کار صرف500 درہم میں کوئی بھی حاصل کر سکتا ہے، ٹیسلا کمپنی کی یہ گولڈ پلیٹیٹڈ الیکٹرک آئیکونک گاڑی اپنے جدید ترین ڈیزائن کی وجہ سے مشہور ہے،’دبئی گولڈ سوق ایکسٹینشن‘ تقریباً 300 دکانوں پر مشتمل شاپنگ سینٹر ہے، جس میں 29 دسمبر تک500درہم کی خریداری کرنے والا ہر شخص قرعہ اندازی میں شمولیت کا اہل ہوگا۔
ہر 500 درہم خریداری پر خریدار کو سونے کی الیکٹرک کار جیتنے کیلئے ایک ٹکٹ ملے گا،سونے کی پلیٹوں والا یہ ٹیسلا سائبرٹرک جیتنے والے خوش نصیب کا اعلان 29 دسمبر کو ہی کیا جائے گا۔
یہ بھی پڑھیں: مرغی پھر مہنگی،فی کلو قیمت میں کتنا اضافہ ہوا؟
سونے کی اس چمچماتی گاڑی کی اصل قیمت تو نہیں بتائی گئی ہے لیکن سونے کی پلیٹنگ کے بغیر مارکیٹ میں اس برانڈ کی نئی کار کی قیمت تقریباً 4 لاکھ 90 ہزار اماراتی درہم ہے۔