ہانیہ عامراوربھارتی ریپربادشاہ کی دوستی پھر موضوع بحث
اداکارہ کو کینیڈا میں بادشاہ کے کنسرٹ میں دیکھا گیا جس کی ویڈیوز سوشل میڈیا پر وائرل ہوگئیں
کیپشن: فائل فوٹو
سورس: گوگل
Stay tuned with 24 News HD Android App
(ویب ڈیسک)معروف اداکارہ ہانیہ عامر اور بھارتی ریپر بادشاہ کی دوستی ایک بار پھر خبروں کی زینت بن گئی۔
ہانیہ عامر کو حال ہی میں کینیڈا میں بادشاہ کے کنسرٹ میں دیکھا گیا، جس کی ویڈیوز سوشل میڈیا پر وائرل ہو رہی ہیں،بادشاہ اپنی پرفارمنس کے دوران حاضرین سے مخاطب ہوکر ہانیہ عامر کا ذکر کرتے ہیں تومداحوں کی جانب سے "ہانیہ، ہانیہ" کے نعرے لگنے لگتے ہیں جس پربادشاہ نے گاناروک کر مذاق میں کہا: "یہ میرا شو ہے، لیکن اگر ہانیہ اسٹیج پر آگئی تو یہ شو اس کا ہو جائے گا۔"
اس کے بعد بادشاہ نے اپنی پرفارمنس دوبارہ شروع کی، لیکن مداحوں کے جوش نے کنسرٹ کا ماحول مزید گرم کردیا۔
ہانیہ عامر اوربادشاہ کی دوستی پہلے بھی دونوں ممالک کے مداحوں میں موضوعِ بحث رہی ہے،دونوں مختلف مواقع پر ایک ساتھ دیکھے بھی گئے ہیں جس کی ویڈیوز وائرل ہوئی ہیں۔