(24 نیوز) وفاقی تحقیقاتی ادارے نے لاہور ایئرپورٹ پر آنے والے امریکی صحافی سے کئی گھنٹے تک پوچھ گچھ کی۔
عاصمہ جہانگیرکانفرنس میں شرکت کے لیے آنے والے امریکی صحافی سے ایئرپورٹ پر پوچھ گچھ کی گئی۔ صحافی اسٹیون بٹلر کو ایف آئی اے امیگریشن حکام نے تقریباً آٹھ گھنٹے روکے رکھا۔
ذرائع کے مطابق اسٹیون بٹلرکی آمد پر ایف آئی اے امیگریشن نے وفاقی وزارت داخلہ سے رابطہ کیا اور منظوری لینے کے بعد امریکی صحافی کو داخلے کی اجازت دی گئی۔
واضح رہے کہ تحریک انصاف کی حکومت نے اسٹیون بٹلر کو اسٹاپ لسٹ میں شامل کر رکھا تھا جب کہ اس سے قبل بھی انہیں 2019ء میں پاکستان آنے پر ڈی پورٹ کر دیا گیا تھا۔