خواجہ سرا خواتین پر بازی لے گئے

(ویب ڈیسک) اسلام آباد کیپیٹل پولیس کو  28 ہزار  خواجہ سراؤں نے بھرتی کے لئے درخواستیں بھیج دیں جبکہ خواتین درخواست گزاروں کی تعداد صرف 6,092 ہے۔

تفصیلات کے مطابق آئی سی ٹی پولیس کو مجموعی طور پر تقریباً 141,739 ملازمتوں کی درخواستیں موصول ہوئی ہیں، جن میں سے 107,526 سے زائد درخواستیں مردوں کی ہیں۔

اسلام آباد کیپٹل ٹیریٹری (آئی سی ٹی) پولیس کو خواجہ سراؤں کی جانب سے ملازمت کی تقریباً 28,100 درخواستیں موصول ہوئی ہیں، جو خواتین درخواست دہندگان کی تعداد سے زیادہ ہے، جو کہ صرف 6,092 ہے۔

اسلام آباد کیپیٹل پولیس/ کانسٹیبل بھرتی

اسلام آباد کیپیٹل پولیس کو 1لاکھ 41ہزار 739 درخواستیں موصول ہوئیں۔ان میں سے 6092 خواتین، ایک لاکھ 07 ہزار 526 مردوں نے درخواستیں دیں۔28 ہزار ایک سو اکیس خواجہ سراؤں نے بھرتی کے لئے درخواستیں دیں۔ تمام درخواستیں آن لائن وصول کی گئیں۔
1/2

— Islamabad Police (@ICT_Police) October 19, 2022