(اویس کیانی) نواز شریف کل 4 سال کے بعد وطن واپس آئیں گے جہاں ان کا طیارہ پہلے اسلام آباد میں لینڈ کرے گا جس کے بعد وہ لاہور پہنچیں گے۔
سابق وزیراعظم کی وطن واپسی پر (ن) لیگ نے مینار پاکستان پر جلسے کا بھی انعقاد کیا ہے جس سے نواز شریف خطاب کریں گے اور آئندہ کے لائحہ عمل کا اعلان بھی کریں گے۔
نواز شریف کا طیارہ صبح 8 بج کر 25 منٹ پر دبئی انٹرنیشنل ائیرپورٹ سے روانہ ہوگا، 3 گھنٹے 5 منٹ کی فلائٹ کے بعد ساڑھے 12 بجے اسلام آباد ائیرپورٹ پر لینڈ کرے گا جہاں نواز شریف اپنی قانونی ٹیم کے ساتھ مشاورتی اجلاس کریں گے۔
یہ بھی پڑھیے: چلو چلو لاہور چلو، نواز شریف کی واپسی، متوالے پُرجوش
اس کے بعد نواز شریف کا طیارہ ڈیڑھ بجے لاہور کیلئے پرواز بھرے گا۔یہ خصوصی طیارہ 2 بج کر 20 منٹ پر علامہ اقبال ائیرپورٹ پر لینڈ کرے گا جس میں 194 افراد سفر کریں گے۔