(24 نیوز)کرکٹ شائقین کیلئے بڑی خوشخبری،پاکستان کرکٹ بورڈ( پی سی بی) کو سٹیڈیم میں کرکٹ شائقین بلانے کی اجازت مل گئی۔
ذرائع کے مطابق پاکستان کرکٹ بورڈ کو سٹیڈیم میں شائقین کرکٹ کو بلانے کی اجازت مل گئی،اسد عمر کی زیرصدارت این سی او سی اجلاس میں فیصلہ کیا گیا،
ذرائع کے مطابق 30 ستمبر تک 25 فیصد شائقین گراﺅنڈ میں میچ دیکھ سکیں گے،25 فیصد شائقین کی موجودگی کی شرح میں اضافے پر نظرثانی 28 ستمبر کو ہو گی،ویکسی نیٹڈ افراد کو کرکٹ سٹیڈیم میں میچ دیکھنے کی اجازت ہو گی،پی سی بی ویکسی نیٹڈ افراد کو ٹکٹ کے اجرا کیلئے میکنزم تیار کرے گا۔
واضح رہے کہ پاک انگلینڈ سیریز شروع ہونے سے پہلے ہی اختتام پذیر ہوگئی، مہمان ٹیم نے سکیورٹی خدشات پر اپنے تحفظات کا اظہار کیا تھا، پاکستان کرکٹ بورڈ اور حکومت پاکستان نے مہمان ٹیم کی سیکورٹی کیلئے فول پروف انتظامات کررکھے تھے، ہم نے نیوزی کرکٹ بورڈ کو بھی یہی یقین دہانی کرائی تھی۔
وزیر اعظم عمران خان نے ذاتی طور پر نیوزی لینڈ کی وزیراعظم کو رابطہ کرکے انہیں بتایا کہ ہماری سیکورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکورٹی تھریٹ نہیں۔
یہ بھی پڑھیں: مجھے نہیں علم کہ کبھی یہاں چیزیں تبدیل ہوں گی۔۔عمر گل کی پی سی بی پر تنقید