(ویب ڈیسک )پرنس آف ویلز ولیم اور ان کی اہلیہ کیٹ مڈلٹن کی بیٹی ننھی شہزادی شارلیٹ اپنی پردادی کی تدفین کے موقع پر رو پڑیں۔
تفصیلات کے مطابق بین الاقوامی میڈیا پر سامنے آنے والی تصاویر میں ملکہ برطانیہ کی آخری رسومات کے دوران پرنسز آف ویلز، کیٹ مڈلٹن اپنی بیٹی شہزادی شارلیٹ کو تسلی دیتے ہوئے نظر آرہی ہیں۔
شہزادی شارلیٹ کو پردادی کی یاد میں روتا ہوا دیکھ کر وہاں موجود شاہی خاندان کے مداح بھی اپنے جذبات پر قابو نہ رکھ سکے۔
دوسری جانب، شہزادہ ولیم کے بڑے بیٹے شہزادہ جارج بھی ملکہ کی آخری رسومات کے دوران کافی اداس اور پریشان نظر آئے۔
واضح رہے کہ ملکہ الزبتھ دوم 8 ستمبر کو 96 سال کی عمر میں انتقال کر گئیں تھیں۔ ان کی وفات کے بعد شہزادہ چارلس برطانیہ کے نئے بادشاہ بن گئے تھے۔