سعودی مسلح افواج کے چیف کا نیول ہیڈکوارٹرز اسلام آباد کا دورہ، پُرتپاک استقبال
Stay tuned with 24 News HD Android App
(24 نیوز) سعودی مسلح افواج کے چیف آف جنرل اسٹاف جنرل فیاض بن حامد الرویلی نے نیول ہیڈکوارٹرز اسلام آباد کا دورہ کیا جہاں آمد پر ان کا پُرتپاک استقبال کیا گیا۔
ترجمان پاک بحریہ کے مطابق نیول ہیڈکوارٹرز آمد پر چیف آف اسٹاف وائس ایڈمرل نوید اشرف نے معزز مہمان کا استقبال کیا۔
یہ بھی پڑھیے: کینیڈا میں سکھ رہنما کے قتل میں بھارت کے ملوث ہونے پر پاکستان کا ردعمل آگیا
ملاقات کے دوران باہمی دلچسپی کے امور اور دو طرفہ بحری تعاون پر تبادلہ خیال کیا گیا۔ سعودی مسلح افواج کے چیف آف جنرل اسٹاف نے خطے میں بحری سیکیورٹی کے حوالے سے پاک بحریہ کی کاوشوں کو سراہا۔
ترجمان پاک بحریہ کے مطابق جنرل فیاض بن حامد الرویلی کے دورے سے دونوں ممالک کے مابین دوطرفہ سیکیورٹی تعلقات کو مزید فروغ ملے گا۔