ڈریسنگ روم میں لڑائی کی قیاس آرائیاں، شاہین کے بعد رضوان نے قومی کرکٹ ٹیم کی تصویر شیئر کردی 

(ویب ڈیسک) قومی کرکٹ ٹیم کے ڈریسنگ روم میں لڑائی کی قیاس آرائیوں کے حوالے سے پاکستان کے فاسٹ بولر شاہین شاہ آفریدی کے بعد محمد رضوان نے پیغام جاری کرتے ہوئے قومی کرکٹ ٹیم کی تصویر شیئر کر دی۔

سماجی رابطے کی ویب سائٹ ایکس (سابق ٹوئٹر) پر محمد رضوان نے قومی کرکٹ ٹیم کی تصویر شیئر کی۔ تصویر کے ساتھ محمد رضوان نے لکھا کہ اس پرچم کے سائے تلے ہم ایک ہیں، ہم ایک ہیں، سانجھی اپنی خوشیاں اور غم ایک ہیں، ہم ایک ہیں۔

Is Parcham k saaye talay,
Hum aik hain. Hum aik hain.

Saanjhi apni khushyaan,
Or ghum aik hain. Hum aik hain.#PakistanZindabad ???????? pic.twitter.com/NWNoT2BFPZ

— Muhammad Rizwan (@iMRizwanPak) September 20, 2023

واضح رہے کہ گزشتہ روز فاسٹ بولر شاہین آفریدی نے سوشل میڈیا پر ایک پیغام جاری کیا تھا جس میں انہوں نے اپنی اور کپتان بابر اعظم کی ایک تصویر شیئر کی تھی۔ مائیکرو بلاگنگ ویب سائٹ ایکس (سابقہ ٹوئٹر) پر شاہین نے تصویر کے ساتھ ’فیملی‘ کا کیپشن بھی لکھا۔

خیال رہے کہ ایشیاء کپ 2023ء کے بعد کپتان بابر اعظم اور فاسٹ بولر شاہین آفریدی کی لڑائی کی افواہیں گردش میں تھیں۔