(ویب ڈیسک)وزیر اطلاعات مریم اورنگزیب نے سابق وزیر اعظم عمران خان کو تنقید کا نشانہ بناتے ہوئے کہا کہ پی ٹی آئی حکومت کے تباہ کیے ہوئے حالات سنبھال رہے ہیں،جو عوامی خیال اقتدار چلے جانے کے بعد یاد آئے وہ اپنے منہ پر طمانچہ ہوتا ہے۔
تفصیلات کے مطابق مریم اورنگزیب نے اپنی پریس کانفرنس میں کہا کہ،عمران خان اور شہزاد اکبر نے سیاسی انتقام لیا، اسٹاپ اور واچ لسٹ عمران خان کے حکم پر چلتی رہی لیکن اسٹاپ اور واچ لسٹ کو سیاسی انتقام کے لیے استعمال نہیں کیا جائے گا ۔
انہوں نے کہا کہ واچ لسٹ اور اسٹاپ لسٹ پر نظر ثانی کرنے کے لیے کمیٹی بنائی گئی ہے، یہ کمیٹی تین دن میں اپنی رپورٹ کابینہ کمیٹی کو دے گی۔
وزیر اطلاعات کا کہنا تھا کہ عدالتوں میں کوئی الزام سیاست دانوں پر ثابت نہیں ہوا۔انہوں نے عمران خان کو جواب دیتے ہوئے کہا کہ عمران خان کی پوری کابینہ کو ای سی ایل پر ہونا چاہیے تھا۔
یہ بھی پڑھیں: وزیر خزانہ مفتاح اسماعیل امریکہ روانہ ہو گئے