بلاول بھٹو کی لندن یاترا۔نواز شریف سے ملاقات

(24نیوز)تحریک عدم اعتماد کے بعدپاکستان کی سیاست میں اہم موڑ ۔چیئر مین پیپلز پارٹی بلاول بھٹو زرداری کی مسلم لیگ ن کے قائد میاں نواز شریف سے لندن میں اہم ملاقات ہو گئی۔ملاقات میں ملک کی سیاسی صورتحال پر تبادلہ خیال کیا گیا۔صدر ،چیئر مین سینٹ اور گورنر پنجاب کے عہدوں کے حوالے سے خصوصی بات چیت ہوئی۔پیپلز پارٹی کے وفد میں شیری رحمان۔نوید قمر اور قمر زماھ کائرہ شامل تھے۔ملاقات حسین نواز کے دفتر میں ہوئی۔حسین نواز اور دیگر نے پیپلز پارٹی کے وفد کا استقبال کیا۔

ملاقات میں دونوں رہنماؤں نے سیاسی معاملات میں مشاورت اور مل کر چلنے پر اتفاق کیا۔بلاول بھٹو نے وزیراعظم عمران خان کے خلاف تحریک عدم اعتماد  کی کامیابی پر مبارکباد دی۔مسلم لیگ ن کی طرف سے اسحاق ڈار۔حسن اور حسین نواز الاقات میں شریک تھے۔

چئیرمین پاکستان پیپلز پارٹی بلاول بھٹو زرداری کی لندن میں قائد مسلم لیگ ن محمد نواز شریف سے ملاقات۔ ملکی مجموعی سیاسی صورتحال پر تبادلۂ خیال۔ میٹنگ میں سینیٹر اسحاق ڈار، عابد شیر علی، شیری رحمان، قمر زمان کائرہ اور نوید قمر بھی موجود تھے۔ pic.twitter.com/XpQcvFa7MY

— PML(N) (@pmln_org) April 21, 2022

ذرائع کے مطابق متحدہ اپوزیشن کی مشترکہ کوششوں کے نتیجے میں تشکیل پانے والی شہباز حکومت کو مشکلات کا سامنا ہے ۔وفاقی کابینہ تشکیل پا چکی ہے تاہم آئینی عہدوں صدر مملکت۔گورنرز ۔چیئر مین سینٹ پر تعیناتیوں کے حوالے تا حال کوئی فیصلہ نہیں ہو سکا۔پیپلز پارٹی یہ عہدے خود فیصلہ لینا چاہتی ہے۔قومی اسمبلی کے سپیکر کا عہدہ پیپلز پارٹی کو مل چکا ہے سابق وزیر اعظم راجہ پرویز اشرف حلف اٹھا چکے ہیں۔سندھ کا گورنر ایم کیو ایم سے ہوگا جس کے لئے نام طلب کر لئے گئے ہیں۔
ذرائع کا کہنا ہے کہ مسلم لیگ ن نے فیصلوں کا اختیار قائد نواز شریف کو دے رکھا ہے۔اسی لئے بلاول بھٹو نواز شریف سے ملنے لندن گئے۔آئینی عہدوں پر پیپلز پارٹی کی خواہش پر ہونیوالے فیصلے کی صورت میں ہی بلاول بھٹو وزیر خارجہ کا حلف اٹھائیں گے۔
یہ بھی پڑھیں۔ ٹک ٹاک اور پب جی پر پابندی
مسلم لیگ ن کے قائد نواز شریف سے بلاول بھٹو ملاقات کر رہے ہیں