(24 نیوز)بالی ووڈ کی معروف اداکارہ ایشوریا رائے بچن اور اداکار ابھیشیک بچن نے اپنی ازدواجی زندگی کے 18 سال مکمل ہونے پر سوشل میڈیا پر ایک خوشگوار فیملی فوٹو شیئر کر کے مداحوں کو خوشگوار حیرت میں ڈال دیا۔
اتوار 20 اپریل کو اپنی شادی کی سالگرہ کے موقع پر، ایشوریا نے انسٹاگرام پر ایک تصویر پوسٹ کی جس میں وہ، ان کے شوہر ابھیشیک اور بیٹی آرادھیا سفید لباس میں خوش و خرم نظر آ رہے ہیں۔
تصویر میں ابھیشیک کو اپنی فیملی کو پیار سے تھامے ہوئے دیکھا جاسکتا ہے جبکہ ایشوریا رائے نے کیپشن میں صرف ایک سفید دل والا ایموجی شامل کیا ۔
تصویر کے منظرِ عام پر آتے ہی سوشل میڈیا پر مبارکبادوں کا تانتا بندھ گیا، معروف شخصیات اور مداحوں نے جوڑے کے لیے نیک تمناؤں کا اظہار کیا۔
مزید پڑھیں:غنیٰ علی نے وزن کم کر لیا، مداح حیران
ایک مداح نے دلچسپ تبصرہ کیا، ’ابھیشیک کے چشمے ایشوریا کی لپ اسٹک سے میچ کر رہے ہیں، پیار ہو گیا!‘
ایک صارف نے تبصرہ کیا، ’آخرکار سب کچھ ٹھیک ہو گیا، فیملی سے بڑھ کر کچھ نہیں۔‘
حالیہ مہینوں میں بھارتی میڈیا میں اس جوڑے کی طلاق سے متعلق خبریں زیرِ گردش تھیں۔
اس خوبصورت تصویر اور متعدد حالیہ تقریبات میں دونوں کی مشترکہ موجودگی نے ان تمام قیاس آرائیوں کو غلط ثابت کر دیا ہے۔
ویڈیو سوشل میڈیا پر وائرل ہو گئی، جسے مداحوں نے ان کے تعلقات میں بہتری کی علامت قرار دیا۔