ماہرہ خان کی سالگرہ ... ٹوئٹر پر دھوم 

(24نیوز)عالمی شہرت یافتہ اداکارہ ماہرہ خان کی سالگرہ کا ٹوئٹر پر ٹاپ ٹرینڈ بن گیا۔

تفصیلات کے مطابق اداکارہ ماہرہ خان آج اپنی 36ویں سالگرہ منا رہی ہیں اور اس ضمن میں گزشتہ رات 12بجتے ہی سماجی رابطے کی ویب سائٹ ٹوئٹر پر ہیش ٹیگ ’ہیپی برتھ ڈے ماہرہ خان‘ ٹاپ ٹرینڈز کی فہرست میں پانچویں نمبر پر رہا۔

 ٹوئٹر پر ماہرہ خان کے مداح اس ہیش ٹیگ کو استعمال کرتے ہوئے اُنہیں سالگرہ کی مبارکباد پیش کر رہے ہیں اور ساتھ ہی اُن کے لئے نیک خواہشات کا اظہار بھی کرتے نظر آرہے ہیں۔

اس ہیش ٹیگ کا استعمال کرتے ہوئے محمد وحید نامی صارف نے لکھا کہ ’پاکستان کی سپر سٹار اور فخر کو سالگرہ مبارک ہو،آپ ہمیشہ روشن رہیں، آپ کو بہت ساری کامیابیاں ملیں اور نیا سال آپ کے لیے خوش آئند ثابت ہو۔‘

Happy birthday to the superstar, the pride of Pakistan @TheMahiraKhan ❤️
May you always shine, many many successful and happy years ahead. We love you ????❤️ lots of love and prayers ????#MahiraKhan #HappybirthdayMahiraKhan pic.twitter.com/RXQQpW3HV6

— Muhammad Waheed (@WaheedViews) December 21, 2020

 ایک صارف نے لکھا کہ ’میری پسندیدہ سپر سٹار اور ہمارے ستارہ کو سالگرہ مبارک ہو، آپ ہمیشہ محبت، حقیقی ہنسی اور خوشیوں سے گِھری رہیں۔

Happy birthday to my favourite hooman ❤️ our Superstar and our sitara ⭐ May you always be surrounded with love and genuine laughter and joy ???? Love love you x @TheMahiraKhan #HappyBirthdayMahiraKhan pic.twitter.com/dBgbRscxUg

— Travel the world ✈ (@iqraaa7) December 21, 2020

 واضح رہے کہ ماہرہ خان نے اپنے شوبز کیریئر کا آغاز 2006 میں بطور وی جے کیا اور 2011 میں شعیب منصور کی فلم ’بول‘ سے لالی ووڈ فلم نگری میں قدم رکھا جس میں انہوں نے معاون کردار نبھایا۔اداکارہ نے 2015 میں فلم ’بن روئے‘ کی جبکہ 2016 میں فلم ’ہو من جہاں‘میں جلوہ گر ہوئیں۔اس کے بعد 2017 میں ان کی بالی ووڈ ڈبیو فلم ’رئیس‘ ریلیز ہوئی جس میں انہوں نے بالی ووڈ کنگ شاہ رخ خان کے ساتھ اداکاری کے جوہر دکھائے۔