کورونا کیسز : کراچی کا پہلا اور لاہور کا دوسرا نمبر 

(24 نیوز)نیشنل کمانڈ اینڈ آپریشن سینٹر کے  اعدادوشمار کے مطابق کورونا مثبت کیسز میں کراچی پہلے نمبر پر ہےجہاں مثبت کیسز کی شرح 13.01 فیصد ریکارڈ کی گئی۔ لاہور میں مثبت کیسز کی شرح 9.49 فیصد جبکہ میرپور میں 8.47 فیصد  تک پہنچ گئی۔

تفصیلات کے مطابق این سی او سی کے اعداد و شمار میں کہا گیا ہےکہ مثبت کورونا کیسز کی آزاد کشمیر میں شرح 8.25 فیصد، بلوچستان میں 4.78 فیصد ہے۔ گلگت بلتستان میں مثبت کورونا کیسز کی شرح 1.22 فیصد ہے۔ اسلام آباد میں مثبت کورونا کیسز کی شرح 3.58 فیصد، خیبرپختونخوا میں 6.41 فیصد ریکارڈ کی گئی ہے۔ پنجاب میں کورونا کیسز کی شرح 3.40 فیصد، سندھ میں 7.91 فیصد ہے۔

دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 62 افراد جاں بحق ہوگئے، جس کے بعد اموات کی تعداد 9 ہزار 392 ہوگئی۔ پاکستان میں کورونا کے تصدیق شدہ کیسز کی تعداد 4 لاکھ 58 ہزار 968 ہوگئی۔