پیپلز پارٹی پارلیمنٹیرینز نے ضمنی انتخابات کیلئے امیدواروں سے درخواستیں طلب کر لی

(24 نیوز)پیپلزپارٹی پارلیمنٹیرینز نے چاروں صوبوں میں ضمنی انتخابات میں پارٹی ٹکٹ کیلئے امیدواروں سے درخواستیں طلب کرلیں۔
سیکرٹری جنرل پیپلزپارٹی پارلیمنٹیرینز فرحت اللہ بابرنے کہاہے کہ این اے 45کرم اور پی کے 63 میں پارٹی ٹکٹ کیلئے امیدوار 26 دسمبر تک درخواستیں ارسال کریں ، درخواست صدر پیپلزپارٹی پارلیمنٹیرینز آصف علی زرداری کے نام ارسال کی جائے ، فرحت اللہ بابرکاکہنا ہے کہ درخواست کے ساتھ 30 ہزار روپے کا بنک ڈرافٹ زرداری ہاؤس اسلام آباد کے پتہ پر ارسال کیا جائے۔
این اے 75 سیالکوٹ ،پی پی 51 گوجرانوالہ ،پی ایس 43 اور پی ایس 88 کیلئے پارٹی ٹکٹ کے امیدواروں سے درخواستیں طلب کرلی گئیں،سیکرٹری جنرل پی پی پی نے کہاکہ 30ہزار کے بنک ڈرافٹ کے ساتھ بلاول ہاوس کراچی کے پتہ پر ارسال کی جائیں، پیپلزپارٹی نے پی بی 20 بلوچستان کے ضمنی انتخابات میں پارٹی ٹکٹ کیلئے امیدواروں سے درخواستیں طلب کرلی،فرحت اللہ بابرکاکہنا ہے کہ درخواستیں بلاول ہاوس کراچی کے پتہ پر ارسال کی جائیں۔