سکو ل کے بچوں کی بس پر فائرنگ ۔۔خوف وہراس،بھگدڑمچ گئی

 ( نیوز ایجنسی)شرقپور شریف میں سکول کے بچوں کی بس پر مسلح افراد کی فائرنگ سے ایک شخص زخمی ہو گیا، بھگدڑ مچ گئی،پولیس نے ملزمان کی گرفتاری کے لئے ٹیمیں تشکیل دیدیں۔

ٹرانسپورٹر ز نے واقعہ کے خلاف شاہراہ کو بلاک کر کے احتجاج کیا جس سے ٹریفک کا نظام معطل ہو گیا ۔ بتایا گیا ہے کہ اوباش نوجوانوں نے چند روز قبل سکول کی بچیو ں کو تنگ کیا جس پر بس ڈرائیور نے انہیں منع کیا تھا،معاملہ طول پکڑنے پر اوباش نوجوانوں کے خلاف مقدمہ درج کرا دیا گیا۔ اسی رنج پر گزشتہ روز اوباش نوجوانوں نے بس پر فائرنگ کر دی جس سے بس کنڈکٹر زخمی ہو گیا جبکہ بس کے شیشے بھی ٹوٹ گئے ۔اطلاع ملتے ہی پولیس موقع پر پہنچ گئی جبکہ ٹرانسپورٹرز بھی موقع پر جمع ہو گئے جنہوں نے واقعہ کے خلاف احتجاج کرتے ہوئے شاہراہ کو بلاک کر دیا ۔ پولیس کی جانب سے ملزمان کو گرفتاری کی یقین دہانی پر ٹرانسپورٹرز نے احتجاج ختم کر دیا۔

یہ بھی پڑھیں:ترک اداکار سے فراڈ کرنے والے ملزم کاشف کو بڑی خوشخبری مل گئی