(ما نیٹرنگ ڈیسک)پولیس خواتین کو تحفظ دینے میں مکمل طور پر ناکام ۔لاہور کے تھانوں میں گیارہ ماہ میں زیادتی کے481، اجتماعی زیادتی کے 26 اور تیزاب گردی کے 3 واقعات رپورٹ ہوئے۔
تفصیلات کے مطابق خواتین کے حقوق اور تحفظ کے ذمہ دار پولیس بے بس دکھائی دے رہی ہے۔پولیس ریکارڈ کےمطابق لاہورمیں خواتین کے اغواکے 136 واقعات رپورٹ ہوئے،گھریلو تشدد کے 134 ، اقدام قتل کی 38 وارداتیں ہوئیں،خواتین کے قتل کے اعداد و شمار میں بھی لرزہ خیز انکشافات بھی سامنے آئے،پانچ شہر خواتین کے لیے حساس ترین رہے۔خواتین کے لیے غیر محفوظ ٹاپ فائیو شہروں میں 286 خواتین قتل ہوئیں۔
یہ بھی پڑھیں:سکو ل کے بچوں کی بس پر فائرنگ ۔۔خوف وہراس،بھگدڑمچ گئی
خواتین کے قتل کی سب سے زیادہ 89 وارداتیں لاہور میں ہوئیں،فیصل آباد خواتین کے قتل کی وارداتوں کے حوالے سے 66 واقعات کے ساتھ دوسرے نمبر پر رہا،راولپنڈی میں 48 حوا کی بیٹیاں قتل ہوئیں،گوجرانوالہ میں 42 سرگودھا میں 41 خواتین کو موت کے گھاٹ اتارا گیا،غیر ت کے نام پہ قتل کے سب سے زیادہ 15 واقعات فیصل آباد میں رپورٹ ہوئے۔
یہ بھی پڑھیں:ترک اداکار سے فراڈ کرنے والے ملزم کاشف کو بڑی خوشخبری مل گئی