اسرائیلی کی غزہ میں بربریت جاری،ایک ہی خاندان کے7 بچوں سمیت 77فلسطینی شہید 

(24نیوز)اسرائیل کی غزہ میں بربریت کا سلسلہ نہ رک سکا، صیہونی فورسز   کے فضائی حملے میں  ایک  ہی خاندان کے 7 بچوں سمیت  77 فلسطینی شہید جبکہ متعدد زخمی ہوگئے۔

 غزہ کی سول ڈیفنس ریسکیو ایجنسی کے مطابق اسرائیلی فضائی حملے میں ایک ہی خاندان کے 10 افراد ہلاک ہوئے، جن میں 7 بچے بھی شامل تھے۔

 صیہونی فورسز    نےفضائی حملوں میں جبالیہ کے جنوب مغرب میں جبالیہ النزلہ میں  ایک گھر کو  نشانہ بنایا،تمام شہدا ایک ہی خاندان سے ہیں، جن میں سات بچے، سب سے بڑی عمر چھ سال کی ہے ۔

دوسری جانب غزہ میں 2 سکولوں پر اسرائیلی بمباری سے15 فلسطینی شہیدہوئے، 7اکتوبر2023ء سے شہید فلسطینیوں کی تعداد45 ہزار 206تک پہنچ گئی،سربراہ اقوام متحدہ پناہ گزین ایجنسی برائے فلسطین فلپ لازارینی نے کہا کہ انروا فلسطینی عوام کی امداد جاری رکھے گی، غزہ کے معاملے پر دنیا دورائے پر کھڑی ہے،انہوں نے مزیدکہا کہ عالمی برادری کو فلسطینی سے متعلق سوال کا جواب دینا ہوگا، قابض طاقت اسرائیل مقبوضہ فلسطین میں قتل عام کا ذمہ دار ہے۔