چاند دیکھنے کامعاملہ، چیئرمین رویت ہلال کمیٹی متحرک، پوپلزئی سے ملاقات طے

(24نیوز)رویت ہلال کمیٹی اور مفتی شہاب الدین پوپلزئی کے درمیان چاند پر تضاد کے معاملے پر چیئرمین مولانا عبدالخبیرآزاد متحرک ہوگئے۔
ذرائع کے مطابق مولانا عبدالخبیرآزاد نے مفتی شہاب الدین پوپلزئی سے رابطہ کیا ہے اور دونوں کے درمیان کل ملاقات طے ہو گئی،ذرائع کے مطابق مولانا عبدالخبیرآزاد کل جامع مسجد قاسم خان میں مفتی شہاب الدین پوپلزئی سے ملاقات کریں گے، ملاقات میں مولانا عبدالخبیرآزاد چاند دیکھنے کے معاملہ پر مفتی شہاب الدین پوپلزئی سے مشاورت کریں گے۔