لاہور ہائیکورٹ: نوٹیفکیشن معطل، گجرات ڈویژن اور وزیرآباد ضلع بحال
کیپشن: فائل فوٹو
Stay tuned with 24 News HD Android App
(24 نیوز) لاہور ہائی کورٹ نے نوٹیفکیشن معطل کرتے ہوئے گجرات کا ڈویژن اور وزیرآباد کا ضلع کا درجہ بحال کر دیا۔
لاہور ہائی کورٹ میں گجرات کو ڈویژن اور وزیر آباد کو ضلع کا درجہ دینے کا نوٹیفکیشن معطل کرنے سے متعلق کرنے کے فیصلے کے خلاف کیس کی سماعت ہوئی، جسٹس شاہد کریم نے درخواست پر سماعت کی۔
عدالت نے پنجاب حکومت سمیت فریقین سے جواب طلب کرتے ہوئے نوٹیفکیشن معطل اور گجرات کا ڈویژن، وزیر آباد کا ضلع کا درجہ بحال کر دیا۔
خیال رہے کہ سابق وزیراعلیٰ پنجاب چودھری پرویز الہٰی کی حکومت میں گجرات کو ڈویژن اور وزیر آباد کو ضلع کا درجہ دیا گیا تاہم بعد میں حکومت پنجاب نے یہ نوٹیفکیشن معطل کر دیا تھا۔