ٹی20 سیریز.. پاکستانی سکواڈ میں تبدیلیوں کا امکان
Stay tuned with 24 News HD Android App
(24نیوز) جنوبی افریقہ کیخلاف ٹی ٹوئنٹی سیریز کیلئے پاکستان کے سکواڈ میں تبدیلیوں کا امکان ہے۔
بابراعظم کی انجری کے سبب نیوزی لینڈ کیخلاف ٹی ٹوئنٹی سیریزمیں قومی ٹیم کی قیادت کرنے والے شاداب خان بھی ٹانگ کے پٹھے میں کھنچاؤکا شکارہوگئے۔ آل راؤنڈرجنوبی افریقہ کے خلاف سیریز سے باہر ہوچکے ہیں ان کا خلا پر کرنے کے لئے زاہد محمود مضبوط امیدوارہیں۔ سکواڈ میں فخرزمان کی واپسی ہوگی۔صہیب مقصود، شرجیل خان، ذیشان ملک اوراعظم خان سمیت ڈومیسٹک کرکٹ میں کارکردگی دکھانے والے کھلاڑیوں کے نام بھی زیرغورہیں۔ وہاب ریاض کی جگہ حسن علی کو شامل کیا جاسکتا ہے۔ ٹی ٹین لیگ میں شرکت کےلئے جانے والے محمد حفیظ کا 3 فروری کو وطن واپس آکرسکواڈ کو جوائن کرنا مشکل ہے۔ آل راؤنڈر کو تاخیر سے شامل ہونے کی اجازت دینے کے حوالے سے صورتحال ابھی واضح نہیں۔