(24 نیوز)بھارت کی سابق ٹینس سٹار اور شعیب ملک کی سابقہ اہلیہ ثانیہ مرزا اور متحدہ عرب امارات کےبزنس ٹائیکون عدیل ساجن کے تعلقات کی خبریں زیرِگردش ہیں۔
بھارتی میڈیا رپورٹس کے مطابق اپنے بیٹے اذہان مرزا ملک کے ہمراہ دبئی میں مقیم ثانیہ مرزا ایک بار پھر توجہ کا مرکز بن گئی ہیں اور ان کا نام مشہور ارب پتی تاجر عدیل ساجن کے ساتھ منسلک کیا جارہا ہے،میڈیا رپورٹس میں دعویٰ کیا گیا ہے کہ تاجر عدیل ساجن ان دنوں ثانیہ مرزا کے وِلا کو ڈیزائن کر رہے ہیں تاہم ان کے درمیان پیشہ ورانہ تعلقات اور دوستی سے بڑھ کر کچھ تعلقات ہیں، تا ہم عدیل ساجن اور ثانیہ مرزا دونوں نے ہی خاموشی اختیار کر رکھی ہے۔
عدیل سجن کون ہیں؟
بھارتی بزنس ٹائیکون رضوان سجن کے بیٹے عدیل ساجن متحدہ عرب امارات میں نجی گروپ کے منیجنگ ڈائریکٹر ہیں جو اپنے پُرتعیش طرزِ زندگی کے لیے جانے جاتے ہیں، ان کی نیٹ ورتھ 1.3 بلین ڈالرز ہے،ان کا گروپ پراپرٹی کے کاروبار کے علاوہ ٹینس ٹورنامنٹس اور فلم فیئر ایوارڈز کو بھی سپانسر کرتا ہے۔