(ما نیٹرنگ ڈیسک)اداکار یاسر حسین نے پاکستانی اداکارہ نوشین شاہ کی پرفارمنس سے متعلق تعریفو ں کے پل با ندھ دئیے ۔
نجی ٹی وی کے پروگرام میں گفتگو کے دوران میزبان نے یاسر حسین سے با لی وڈ کے سینئر اداکار نصیرالدین شاہ اور نوشین شاہ میں سے کسی ایک کا انتخاب کرنے کو کہا تو یاسر حسین نے نوشین شاہ کا انتخاب کیا۔
انہوں نے کہا کہ ہمیں اپنے لوگوں کو ترجیح دینی چاہیے، نوشین شاہ کمال کی اداکارہ ہیں لیکن انہیں ان کے ٹیلنٹ کے مطابق اچھے کردار آفر نہیں کیے جاتے۔ نوشین شاہ کو ان کے مطابق کردار ملنے چاہئیں۔
یا د رہے کہ کچھ عرصہ پہلے ایک ٹی وی پروگرام میں یاسر حسین نے کہا تھا کہ نوشین شاہ ان کی شادی میں بن بلائی مہمان تھیں۔ یہ بیان سامنے آنے کے بعد دونوں میں سوشل میڈیا پر خوب لے دے ہوئی تاہم بعد ازاں پروگرام کے ڈائریکٹر ندیم بیگ نے انکشاف کیا تھا کہ یہ پلانٹڈ سوال تھا جو یاسر حسین نے خود پوچھنے کیلئے کہا تھا۔
یہ بھی پڑھیں:ہے کو ئی جو گیم آف تھرونز کی معروف اداکارہ کی مدد کر سکے؟