پنجاب میں ضمنی الیکشن: چیف الیکشن کمشنر کا حمزہ شہباز سے بڑا مطالبہ

 (24 نیوز) پنجاب میں 20 صوبائی نشستوں پر ضمنی انتخابات کے معاملے پر چیف الیکشن کمشنر سکندر سلطان راجہ نے وزیر اعلی پنجاب حمزہ شہباز کو مراسلہ لکھ دیام جس میں انہوں نے سیکورٹی اور انتظامی صورتحال کو بہتر بنانے کا مطالبہ کر دیا۔

یہ بھی پڑھیں:پی ٹی آئی ممنوعہ فارن فنڈنگ کیس: فیصلہ ہوگیا

 چیف الیکشن کمشنر سکندر سلطان راجہ کی جانب سے وزیر اعلی پنجاب حمزہ شہباز کو لکھے گئے مراسلے میں پنجاب کے حلقہ پی پی 167 میں دو پارٹیوں کے درمیان فائرنگ اور تصادم کے واقعات پر تشویش کا اظہار کر دیا۔

 ذرائع کے مطابق چیف الیکشن کمشنر نے کہا ہے کہ پی پی 167 میں پر تشدد واقعات سے انتطامیہ اور سیکورٹی کی کمزوری سامنے آ رہی ہے، آنے والے پنجاب کے 20 حلقوں کے ضمنی انتخابات میں سیکورٹی اور انتظامی صورتحال کو بہتر کیا جائے۔

 ذرائع کے مطابق چیف الیکشن کمشنر کا کہنا ہے کہ ہر حال میں پنجاب کے ضمنی انتخابات میں ووٹرز کے لیے پر امن اور سازگار ماحول کو یقینی بنایا جائے، حالیہ پر تشدد واقعات میں ملوث افراد کے خلاف بلا امتیاز مثالی کارروائی کی جائے۔