حجرہ شاہ مقیم کی مقامی نہر گھارا میں شگاف پڑنے سے سینکڑوں ایکڑ پر کھڑی تیار فصل تباہ

(الٰہی بخش) حجرہ شاہ مقیم کی مقامی نہر گھارا میں نواحی گاؤں بٹیاں کے مقام پر شگاف پڑنے سے کاشتکاروں کی سینکڑوں ایکڑ پر کھڑی تیار فصل تباہ ہو گئی۔

تیار فصل تباہ ہونے سے کسانوں کا لاکھوں روپے مالیت کا نقصان ہو گیا۔ کسانوں نے محکمہ انہار کے ملازمین کو لاپرواہی اور غفلت کا ذمہ دار قرار دے دیا۔ اطلاع دینے کے باوجود ابھی تک محکمہ انہار کا کوئی بھی عملہ موقعہ پر نہ پہنچ سکا۔

یہ بھی پڑھیں: نگران حکومت کا پنچاب کی تاریخی عمارتوں کے حوالے سے اہم فیصلہ

دوسری جانب کسان اپنی مدد آپ کے تحت شگاف پر کرنے میں مصروف ہیں۔ کسانوں نے ڈپٹی کمشنر اوکاڑہ سے نوٹس لینے کا مطالبہ کرتے ہوئے ذمہ داران کے خلاف کارروائی کا مطالبہ کر دیا ہے۔