کرکٹر محمد شامی سے شادی کی افواہیں؟ ثانیہ مرزا نے بھی سکون تلاش کرلیا

(ویب ڈیسک)بھارت کی سابقہ ٹینس اسٹار ثانیہ مرزا نے بھارتی فاسٹ بولر محمد شامی سے شادی کی افواہوں کے درمیان ’’سکون‘‘ تلاش کرلیا۔

 گزشتہ دنوں سوشل میڈیا پر ثانیہ مرزا اور محمد شامی کی چند ایڈیٹ تصاویر منظر عام پر آئی تھیں،ایڈیٹ تصاویر منظر عام پر آنے کے بعد صارفین قیاس آرائیاں کر رہے تھے کہ ممکنہ طور پر دونوں جلد رشتہ ازدواج میں منسلک ہونے والے ہیں تاہم ان افواہوں کے دوران، حج و عمرے کے سلسلے میں سعودی عرب میں موجود سابقہ ٹینس اسٹار نے ’’سکون‘‘ تلاش کرلیا ہے۔

فوٹو اینڈ ویڈیو شیئرنگ پلیٹ فارم انسٹاگرام پر ٹینس کی سابقہ کھلاڑی نے انسٹااسٹوری میں مدینہ منورہ سے ایک تصویر شیئر کی ہے جس کے ساتھ انہوں نے کیپشن میں’سکون‘ کا لفظ لکھا اور ساتھ ہی دعا مانگتے ہاتھوں، چاند اور دل والے ایموجی کا بھی اضافہ کیا۔

ان کی انسٹااسٹوری سے معلوم ہوتا ہے کہ مدینے کی گلیوں میں انہوں نے ’سکون‘ حاصل کرلیا ہے۔ 

یہ بھی پڑھیں: شعیب ملک کو ثنا ء ملی تو ثانیہ نے بھی ہم سفر ڈھونڈلیا

 یاد رہے کہ اس وقت ثانیہ مرزا کے ہمراہ ان کی بہن اور والد بھی حج و عمرے کے سلسلے میں سعودی عرب میں موجود ہیں تاہم ان کے والد عمران مرزا نے بھارتی میڈیا سے گفتگو کرتے ہوئے سوشل میڈیا پر گردش کرنے والی تمام افواہوں کی تردید کر دی ہے۔

بھارتی میڈیا سے بات کرتے ہوئے عمران مرزا نے واضح کیا کہ یہ سب بکواس ہے، ثانیہ کی تو کبھی محمد شامی سے ملاقات تک نہیں ہوئی۔
واضح رہے کہ ثانیہ مرزا پاکستانی کرکٹر شعیب ملک کی سابقہ اہلیہ ہیں، جوڑے کا ایک بیٹا اذہان مرزا ملک بھی ہے جو کہ اپنی والدہ کے ساتھ رہتا ہے۔
ثانیہ مرزا کے والد نے رواں سال کے آغاز میں اپنی بیٹی کی شعیب ملک سے طلاق کی تصدیق کی تھی۔

 یہ بھی پڑھیں: گھریلو بجلی صارفین پر ماہانہ فکس چارجز عائد،کتنے پیسے کاٹے جائیں گے؟اہم خبر جانیے