آئی فون کی نئی اپ ڈیٹ  سے صارفین مشکل سے دوچار

(ویب ڈیسک)ایپل کمپنی کی جانب سےآئی فون میں ہونے والی نئی اپ ڈیٹ  سے صارفین کی مشکلات بڑھ گئیں ہیں۔

تفصیلات کے مطابق ایپل کی جانب سے اس اپ ڈیٹ میں ایموجیز، بگ فکسز کے ساتھ ساتھ ایک منفرد فیچر بھی شامل کیا گیا ہے جس کی مدد سے صارفین فیس ماسک کے ساتھ بھی فیس آئی ڈی استعمال کرتے ہوئے فون کو ان لاک کر سکتے ہیں تاہم آئی اوایس 15.4 اپ ڈیٹ کو انسٹال کرنے والے صارفین کی جانب سے اس حوالے سے بہت سی شکایتیں موصول ہورہی ہیں۔سمارٹ فون کے حوالے سے خبریں دینے والی جی ایس ایم ارینا، فون ارینا، ٹوئٹراورریڈ ٹ پرصارفین نئی اپ ڈیٹ کے حوالے سے متعدد شکایتیں پوسٹ کررہے ہیں۔ 
 صارفین کا کہنا ہے کہ نئی اپ ڈیٹ استعمال کرنے کے بعد ان کے آئی فون کی بیٹری تیزی سے ختم ہورہی ہے،ٹوئٹرپرپوسٹ ہونے والی ٹوئٹس میں بہت سے  افراد کا کہنا ہے کہ اس نئی اپ ڈیٹ سے متاثر ہونے والے ماڈل میں آئی فون 13 پرومیکس سرفہرست ہے جن استعمال کنندگان کی بیٹری اپ ڈیٹ سے پہلے 12 گھنٹے چلتی تھی وہی موبائل اسی استعمال پربہ مشکل 7 سے 8 گھنٹے کا بیک اپ دے رہا ہے۔

 یہ بھی پڑھیں: غیر ملکی طیارہ حادثے سے بال بال بچ گیا