قومی کرکٹ ٹیم کے کپتان بابر اعظم کیلئے بڑا اعزاز

(24 نیوز )قومی کرکٹ ٹیم کے کپتان بابر اعظم کو یوم پاکستان 23 مارچ کو  تقریب میں اہم قومی اعزاز "ستارہ امتیاز" سے نوازا جائے گا۔ 

 ون ڈے اور ٹی 20 فارمیٹ میں قومی کرکٹ ٹیم کی قیادت کرنے والے بابراعظم کو پاکستان کے اعلیٰ سول اعزاز "ستارہ امتیاز"سے نوازا جائے گا۔ 28 سالہ بابر اعظم یہ اعزاز حاصل کرنے والے سب سے کم عمر  پاکستانی  کھلاڑی ہوں گے۔ عبدالقادر ، شاہد آفریدی، سرفراز احمد، یونس خان ماضی میں ستارہ امتیاز حاصل کرنے والے کرکٹرز میں شامل ہیں۔بابر اعظم پہلے ہی پاکستان کے لیے مختلف فارمیٹس میں بیٹنگ کے کئی ریکارڈ توڑ چکے ہیں اور وہ اس وقت تینوں فارمیٹس کی آئی سی سی رینکنگ میں ٹاپ 5 میں ہیں۔ بابراعظم کو 23 مارچ کو یوم پاکستان کی تقریب کے موقع پر ستارہ امتیاز دیا جائے گا

یاد رہے کہ بابر اعظم کی کپتانی میں پاکستان نے 2021 میں پہلی بار ورلڈکپ میں بھارت کو شکست دی جبکہ 2022 میں ایشیا کپ کے فائنل تک بھی پہنچادیا تھا۔