آج دن اور رات کا دورانیہ برابر ہوگا

(24نیوز) پاکستان سمیت دنیا بھر میں آج  21 مارچ کو دن اور رات کا دورانیہ برابر ہوگا جوکہ 12،12 گھنٹوں پر محیط ہوگا۔ 

ماہرین کے مطابق آج کے دن سورج اپنا سفر طے کرتے ہوئے اس نقطۂ آغاز پر پہنچے گا جہاں اس نے پہلے روز اپنے سفر کا آغاز کیا تھا۔ اس کے بعد راتوں کا دورانیہ کم اور دن کا دورانیہ بڑھنے لگے گا۔ جبکہ موسم گرما کی ابتدا ہوجائے گی۔ 

21 مارچ نئے شمسی سال کا آغاز ہے بعض ممالک میں نئے شمسی سال کے پہلے دن کو عید کے طور پر بھی منایا جاتا ہے۔

مزید پڑھیں:  جعلی ونگ کمانڈر بن کر لوگوں کو لوٹنے والا شہری گرفتار

یاد رہے کہ سورج سال میں دو مرتبہ خط استواء سے گزرتا ہے۔ پہلی مرتبہ جنوبی کرہ میں واقع خط جدی سے شمالی کرہ میں واقع خط سرطان کی جانب سفر کے دوران دن اور رات تقریباً برابر ہوتے ہیں۔ اسی طرح دوسری مرتبہ سورج عین خط استواء پر ہوتا ہے جب وہ شمالی کرہ میں واقع خط سرطان سے جنوبی کرہ میں واقع خط جدی کی جانب سفر کرتا ہے۔ اس روز بھی پاکستان سمیت دنیا کے بیشتر ممالک میں دن اور رات کا دورانیہ تقریباً برابر ہوتا ہے۔