کراچی میں ٹریفک حادثات، 3 افراد جاں بحق
Stay tuned with 24 News HD Android App
(24 نیوز) کراچی میں مختلف ٹریفک حادثات میں موٹرسائیکل سوار 3 افراد جاں بحق ہوگئے، رواں سال میں اب تک مجموعی طور پر ٹریفک حادثات میں 207 افراد جان کی بازی ہار گئے۔
جوہر موڑ کے قریب تیز رفتار سیمنٹ مکسچر کی ٹکر سے 25 سالہ موٹرسائیکل سوار عبدالصبور جاں بحق ہو گیاجس پر مشتعل افراد نے سیمنٹ مکسچر کو آگ لگا دی، ڈرائیور کو گرفتار کر لیاگیا۔
لیاقت آباد 10نمبر پر بھی ڈمپر کی ٹکر سے موٹرسائیکل سوار جاں بحق ہو گیا جبکہ کیماڑی ایک نمبر میں گاڑی کی ٹکر سے موٹرسائیکل سوار شخص زندگی کی بازی ہار گیا۔
مزید پڑھیں:یوم پاکستان اور عید الفطر پر قیدیوں کی سزاؤں میں 180 دن کی کمی
رواں سال اب تک مجموعی طور پر مختلف ٹریفک حادثات میں 207 افراد جاں بحق ہو گئے اور 2 ہزار 623 افراد زخمی ہوئے ہیں۔
شہر میں ڈمپر کی ٹکر سے 17، ٹریلر سے 22، واٹر ٹینکر سے 12 مسافر، بسوں سے 13 افراد جاں جق ہوچکے ہیں
ٹریفک پولیس حکام اور انتظامیہ کے حادثات کی روک تھام کے دعوؤں کے باجود کوئی کمی نہیں آرہی ہے۔