عورت مارچ ، بغیر اجازت احتجاج،فرزانہ باری اور  بلال ربانی  کیخلاف مقدمہ  درج 

(ایم اویس) دارالحکومت اسلام آباد میں بغیر اجازت احتجاج کرنے پر عورت مارچ قیادت کے خلاف مقدمہ درج کر لیا گیا۔

تفصیلات کے مطابق پولیس کی جانب سے فرزانہ باری اور  بلال ربانی  کے خلاف مقدمہ پرامن اسمبلی ایکٹ کے سیکشن 8 کے تحت درج کیا گیا ہے، ایف آئی آر میں بتایا  گیا ہے کہ فرزانہ باری کی جانب سے 100/150 خواتین کے ہمراہ احتجاج کیا گیا، اس موقع پر صدر مسلم طلباء اور اسلامی نظریاتی پارٹی کے 50/60 کارکنان بھی شہید ملت چوک اکٹھے ہوئے،طلباء کے گروپ کی جانب سے عورت مارچ کے شرکاء کو روکنے کی کوشش کی گئی،  دونوں گروپس کی جانب ایک دوسرے کے خلاف نعرے بازی کی گئی،دونوں فریقین کی جانب سے شہید ملت چوک کو بلاک کیا گیا،دونوں فریقین کی جانب سے کسی نے احتجاج سے قبل این او سی نہ لیا،اسلام آباد میں دفعہ 144 کے نفاذ کے تحت ہر قسم کے احتجاج پر پابندی ہے، فرزانہ بازی اور بلال ربانی کے قانون کی خلاف ورزی کرتے ہوئے غیر قانونی احتجاج کیا۔ سٹی مجسٹریٹ کی مدعیت میں دونوں گروپس کے خلاف مقدمہ درج کیا گیا ہے۔

یہ بھی پڑھیں:سندھ حکومت نے عید الفطر کی تعطیلات کا اعلان کردیا