(حسنین اولکھ)رمضان المبارک کا آخری عشرہ شروع ہونے پر لاہور سمیت ملک بھر میں لاکھوں مسلمان اعتکاف میں بیٹھ گئے۔
جامع مسجد داتا دربار میں بھی 2 ہزار کے قریب فرزندان اسلام اعتکاف بیٹھے ہیں، جامع مسجد داتا دربار میں پاکستان بھر سے شہریوں نے اعتکاف بیٹھنے کی سعادت حاصل کی۔
معتکفین کے تصویر اور کوائف والے آئی ڈی کارڈ جاری، کارڈ کے بغیر کسی بھی معتکف کو اعتکاف ہال جانے کی اجازت نہیں ہوگی۔
معتکفین کیلئے سحری و افطاری کے انتظامات مخیر حضرات کی جانب سے کیے گئے، فورڈ اتھارٹی کی ٹیمیں باقاعدہ کھانے پینے کی چیزوں کی چیکنگ کریں گی۔
دربار شریف کے داخلی و باہر نکلنے والے راستوں پر کلوز سرکٹ کیمروں کی مدد سے نگرانی کی جائیگی، جامع مسجد داتا دربار میں باقاعدہ طور پر کنٹرول روم بھی قائم کر دیاگیا۔
آخری عشرے کی طاق راتوں میں معتکفین رات بھر شب قدر کی تلاش اور اللہ کے حضور عبادت کرتے ہوئے اپنی حاجات پیش کریں گے۔
متعفکین شوال کا چاند نظر آنے تک حالت اعتکاف میں رہیں گے۔معتکفین کا کہنا ہے کہ وہ ہماری جائز دعا کو کبھی رد نہیں کرتا، خشوع و خضوع کے ساتھ دعائیں مانگی جائیں تو پروانۂ قبولیت عطا کردیتا ہے۔
یہ بھی پڑھیں:وفاقی کابینہ اراکین کی تنخواہوں میں اضافے کی منظوری، نئی تنخواہ کتنے لاکھ روپے ہو گئی؟عوام حیران و پریشان